З мэтай рэалізацыі міжнародных дагавораў Рэспублікі Беларусь аб супрацоўніцтве ў сферы адукацыі з замежнымі дзяржавамі, Міністэрства адукацыі Рэспублікі Беларусь прадастаўляе ў 2021-2022 навучальным годзе магчымасць навучання грамадзян Рэспублікі Беларусь за мяжой: ва ўстановах вышэйшай адукацыі Рэспублікі Казахстан; Кыргызскай Рэспублікі; Рэспублікі Таджыкістан; Туркменістана; Сацыялістычнай Рэспублікі В’етнам; Манголіі; Рэспублікі Польшча; Рэспублікі Малдова; Сірыйскай Арабскай Рэспублікі; Кітайскай Народнай Рэспублікі; Арабскай Рэспублікі Егіпет.
Каб скарыстацца такой магчымасцю, кандыдатам на навучанне за мяжой неабходна прадаставіць у аддзел міжнароднага супрацоўніцтва МДЭІ ім. А. Д. Сахарава БДУ (к. 218) наступную інфармацыю і дакументы:
- Анкету, запоўненую друкаванымі літарамі, з фатаздымкам і прыкладаемымі да яе дакументамі.
- Выпіску бягучых адзнак, характарыстыку ад установы адукацыі (для В’етнама таксама аўтабіяграфію, копію дыплома, копію прыкладання да дыплома, медыцынскую даведку); усе дакументы для В’етнама павінны быць перакладзены на ангельскую мову і завераны;
- Дакументы, якія пацвярджаюць валоданне кандыдатамі кітайскай альбо ангельскай мовай на дастатковым для засваення адукацыйных праграм узроўні (HSK, IELTS, TOEFL і інш.) для ўдзелу ў абмене з Кітаем;
- Копію старонак пашпарта з указаннем установачных дадзеных (31, 33 старонкі).
З улікам асаблівасцяў краін, супрацоўнікі Вучэбнага цэнтра міжнароднага супрацоўніцтва ў сферы адукацыі ДУА «Рэспубліканскі інстытут вышэйшай школы» могуць запытаць дадатковыя дакументы ў кандыдатаў.