Анлайн-сустрэча з прадстаўнікамі Ляанінскага нафтахімічнага ўніверсітэта адбылася 26 лістапада ў МДЭІ імя А.Д.Сахарава БДУ. Парадкам дня стала абмеркаванне пытанняў і перспектыў супрацоўніцтва ўстановы адукацыі «Міжнародны дзяржаўны экалагічны інстытут імя А.Д.Сахарава» Беларускага дзяржаўнага ўніверсітэта і Ляанінскага нафтахімічнага ўніверсітэта.
У мерапрыемстве прынялі ўдзел дырэктар МДЭІ імя А.Д.Сахарава БДУ Алег Родзькін, намеснік дырэктара па вучэбнай рабоце Уладзіслаў Жураўкоў, начальнік аддзела міжнародных сувязей Алёна Аляксейчык, дэкан факультэта маніторынгу навакольнага асяроддзя Барыс Танканогаў, намеснік дэкана факультэта экалагічнай медыцыны Андрэй Дубко, намеснік дэкана па экалагічнай і выхаваўчай рабоце і супрацоўніцтва Кong Xianming, намеснік дырэктара аддзела міжнародным абменаў і супрацоўніцтва Feng Xu, кіраўнік аддзела кітайска-замежнага супрацоўніцтва Cui Lu, намеснік факультэта штучнага інтэлекту Han Shumin, дырэктар аддзела энергетыкі і хімічнай інжынерыі Wang Zhimeng, дырэктар ТАА «Усэбі-развіццё адукацыі» Ту Лі-Чэн.
Дырэктар інстытута Алег Родзькін адзначыў, што высока цэніць міжнароднае супрацоўніцтва і бачыць у абмене вопытам з прадстаўнікамі Кітайскай Народнай Рэспублікі магчымасць для ўдасканалення адукацыйных праграм. Алег Іванавіч дадаў, што МДЭІ імя А.Д.Сахарава БДУ зацікаўлены ў любых формах супрацоўніцтва, у першую чаргу, гэта сумесныя адукацыйныя праграмы, якія могуць быць двухбаковымі, г.зн. па праграме павінны вучыцца як беларускія, так і кітайскія студэнты. Таксама для інстытута важнае супрацоўніцтва ў галіне навукі: у сумесных даследаваннях, у тым ліку на ўзроўні PhD, а таксама ў абмене студэнтамі.
Па выніках перагавораў было вырашана абмяняцца вучэбнымі планамі па напрамках «Штучны інтэлект» і «Энергетыка» і правесці яшчэ адну сустрэчу для вызначэння далейшай стратэгіі супрацоўніцтва ў рамках сумесных адукацыйных праграм.
Даведка.
LNPU – гэта сумесная ўстанова, заснаваная Народным урадам правінцыі Ляанін, Кітайскай нацыянальнай нафтагазавай карпарацыяй (CNPC), Кітайскай нафтагазахімічнай карпарацыяй (Sinopec) і Кітайскай нацыянальнай карпарацыяй па здабычы нафты на шэльфе (CNOOC). У цяперашні час універсітэт прапануе 57 праграм бакалаўрыяту і 47 праграм магістратуры, у якіх навучаецца больш за 18 000 студэнтаў і працуе больш за 1500 выкладчыкаў і супрацоўнікаў. Тры дысцыпліны ўніверсітэта – інжынерыя, хімія і матэрыялазнаўства – увайшлі ў 1% лепшых па сусветным індэксе асноўных навуковых паказчыкаў (ESI). На сёння ўніверсітэт выпусціў больш за 140 000 спецыялістаў.
Адзначым, што LNPU ужо ўстанавіў доўгатэрміновыя адносіны супрацоўніцтва амаль з 50 вышэйшымі навучальнымі ўстановамі і навукова-даследчымі інстытутамі з амаль 20 краін.
