Прадстаўнікі інстытута прынялі ўдзел у VIII Міжнародным студэнцкім алімпійскім форуме «Алімпійскі рух, студэнцкі спорт, камунікацыі і алімпійская адукацыя». Форум праходзіў на базе штаб-кватэры Нацыянальнага алімпійскага камітэта Рэспублікі Беларусь і БДУФК з 12 да 13 лістапада. У ім прынялі ўдзел студэнты і магістранты з Беларусі, Расіі, Камеруна і Кітая.
Удзельнікі прадстаўлялі свае інавацыйныя праекты і навуковыя даследаванні ў галіне алімпійскай адукацыі і студэнцкага спорту. У рамках работы секцый студэнтка 2 курса факультэта экалагічнай медыцыны Маргарыта Дуброўская выступіла з навуковым дакладам на тэму «Сучасныя падыходы да зніжэння вугляроднага следу пры арганізацыі алімпійскіх гульняў». Навуковыя кіраўнікі – выкладчыкі кафедры фізічнага выхавання – кандыдат філалагічных навук, дацэнт Міхаіл Круталевіч і кандыдат педагагічных навук, дацэнт Алеся Анішчук.
Таксама ў інтэлектуальным турніры «Алімпійская віктарына», дзе было прадстаўлена 16 каманд, удзельнічала і каманда МДЭІ імя А.Д.Сахарава БДУ «ЭкаЭнерджы». Студэнты Уладзімір Грэсь, Аляксандр Ткачэнка, Глеб Сцяпанавіч, Мілен Лінга, Марк Волчак, Анжэла Куліева паказалі дастойны вынік ва ўказаным турніры.
Віншуем нашых з паспяховымі вынікамі форуму!
