Начальнік спартыўнага клуба МДЭІ імя А.Д.Сахарава БДУ ўвайшла ў дзясятку лепшых куратараў на конкурсе «Лепшы куратар БДУ». Цырымонія ўзнагароджання конкурсу «Лепшы куратар БДУ» адбылася 10 лістапада. Павіншавала пераможцаў і ўдзельнікаў прарэктар па ідэалагічнай і выхаваўчай рабоце БДУ Ганна Бакун.
У ліку лепшых куратараў універсітэта і начальнік спартыўнага клуба МДЭІ імя А.Д.Сахарава БДУ Святлана Аксёнчык.
Удзельнікі конкурсу рыхтавалі крэатыўныя прэзентацыі аб сваіх прафесійных дасягненнях. Акцэнт быў зроблены на метадычныя распрацоўкі канкурсантаў, вынікі іх выхаваўча-ідэалагічнай, творчай і спартыўнай дзейнасці сярод студэнтаў.
«Стаць лепшай для сваёй групы і на выпускным атрымаць ад іх словы падзякі будзе для мяне ўжо вялікім поспехам, я для іх куратар не на чатыры гады, а на ўсё жыццё», – падкрэсліла ў сваёй прэзентацыі Святлана Уладзіміраўна.
Завяршылася мерапрыемства адкрытым дыялогам па актуальных пытаннях куратарскай дзейнасці.
