Значэнне Вялікай Кастрычніцкай сацыялістычнай рэвалюцыі абмеркавалі ў МДЭІ імя А.Д.Сахарава БДУ. Гэтая тэма склала парадак дня дыялогавай пляцоўкі, якая прайшла ў інстытуце 6 лістапада. У прыватнасці, размова ішла пра ролю рэвалюцыі на фарміраванне беларускай дзяржаўнасці і пра важнасць святкавання 7 лістапада ў сучасным беларускім грамадстве.
На гэтыя і іншыя гістарычныя пытанні адказаў старшы выкладчык кафедры сацыяльна-гуманітарных дысцыплін і ўстойлівага развіцця Вадзім Гаўрылаў.
У рамках адкрытай размовы былі ўзняты важныя тэмы. Напрыклад, гістарычны кантэкст і перадумовы Кастрычніцкай рэвалюцыі: удзельнікі змаглі глыбей зразумець прычыны, якія прывялі да рэвалюцыйных падзей, і значэнне розных сіл таго часу. Былі разгледжаны і фундаментальныя змены, якія закранулі ўсе сферы жыцця беларускага грамадства: ад калектывізацыі і індустрыялізацыі да развіцця адукацыі, навукі і культуры.
«Кастрычніцкая рэвалюцыя – не толькі мінулае, але і частка нашага сённяшняга гістарычнага досведу. Разуменне яе ўплыву на беларускую дзяржаўнасць – гэта ключ да больш глыбокага разумення ідэнтычнасці і нашага шляху ў будучыню», – падкрэсліў Вадзім Іванавіч.
