Прадстаўнікі МДЭІ імя А.Д.Сахарава БДУ прынялі ўдзел ва ўрачыстых мерапрыемствах, прысвечаных 100-годдзю Бярэзінскага біясфернага запаведніка. Наш інстытут прадставілі намеснік дырэктара па ідэалагічнай працы Аляксей Вятошкін і начальнік аддзела ідэалагічнай і выхаваўчай работы Вераніка Медушэўская.
З моманту свайго заснавання ў 1925 годзе, Бярэзінскі біясферны запаведнік за стагоддзе ператварыўся з ахоўнай тэрыторыі ў самадастатковую сістэму, дзе навука гарманічна суіснуе з экатурызмам.
Акрамя таго, інстытут накіраваў кіраўніцтву запаведніка віншавальны адрас:
«Для нас, эколагаў, Бярэзінскі запаведнік, які з’яўляецца найстарэйшым і адным з найбольш значных прыродаахоўных комплексаў Рэспублікі Беларусь, заўсёды служыў і будзе служыць прыкладам эфектыўнай прыродаахоўнай дзейнасці, крыніцай натхнення і неацэнным палігонам для навуковых. Шматгадовае плённае супрацоўніцтва нашага інстытута ў галіне вывучэння і захавання прыроднай спадчыны з’яўляецца прадметам гонару».
Няхай кожны дзень будзе напоўнены гонарам за сваю працу, а запаведнік квітнее, застаючыся ўнікальным астраўком дзікай прыроды і сімвалам экалагічнай мудрасці!
