МДЭІ імя А.Д.Сахарава БДУ паспяхова выступае на штогадовай спартакіядзе «Здароўе» сярод работнікаў БДУ, якая працягваецца ва ўніверсітэце. Спартакіяда праводзіцца з мэтай вызначэння пераможцаў і прызёраў у асобных відах праграмы і ў агульнакамандным заліку, развіцця фізкультурна-аздараўленчай спартыўна-масавай работы ў працоўных калектывах падраздзяленняў комплексу БДУ.
У рамках спартакіяды 3 лістапада ў спарткомплексе «Універсітэцкі» прайшлі спаборніцтвы па плаванні. Без папярэдніх заплываў на дыстанцыі 50 м вольным стылем (мужчыны і жанчыны) трэба было паказаць свой лепшы час. Наш інстытут прадставілі наступныя супрацоўнікі: Аляксей Вятошкін, Аляксандр Баран, Іна Качан, Крысціна Наважылава, Юлія Буткевіч, Алена Сцяпанава, Святлана Аксёнчык.
Па выніках індывідуальных заплываў, каманда МДЭІ імя А.Д.Сахарава БДУ ўвайшла ў дзясятку лепшых. Усяго ў спаборніцтвах прынялі ўдзел зборныя з 18 структурных падраздзяленняў БДУ.
Віншуем!
