28-29 лістапада 2019 года ў рамках плана працы грамадскага савета базавай арганізацыі дзяржаў-удзельніц СНД па экалагічнай адукацыі на 2019 год на базе Таразскага дзяржаўнага ўніверсітэта імя М. Х. Дулаці (г. Тараз, Рэспубліка Казахстан) адбыўся практычны тур IX Міжнароднай экалагічнай алімпіяды ВНУ краін СНД, арганізатарамі якога выступілі МДЭІ ім. А. Д. Сахарава БДУ і ТарДУ імя М. Х. Дулаці.
Афіцыйнае адкрыццё алімпіяды прайшло 28 лістапада 2019 года. З прывітальным словам да ўдзельнікаў фіналу алімпіяды звярнуліся Сарыбекаў М. М., доктар педагагічных навук, прафесар, рэктар Таразскага дзяржаўнага ўніверсітэта імя М. Х. Дулаці і Бучанкаў І. Э., кандыдат сельскагаспадарчых навук, дацэнт, намеснік дырэктара па вучэбнай і выхаваўчай працы МДЭІ ім. А. Д. Сахарава БДУ.
У практычным туры ўдзельнічала пяць каманд: зборная Рэспублікі Беларусь, Міжнародны дзяржаўны экалагічны інстытут імя А. Д. Сахарава БДУ (г. Мінск, Рэспубліка Беларусь), Таразскі дзяржаўны універсітэт імя М. Х. Дулаці (г. Тараз, Рэспубліка Казахстан), Кыргызска-Расійскі Славянскі ўніверсітэт (г. Бішкек, Кыргызская Рэспубліка), Разанскі дзяржаўны агратэхналагічны ўніверсітэт імя П. А. Костычава (г. Разань, Расійская Федэрацыя).
Практычны тур быў пачаты з прадстаўлення камандамі сваіх візітных картак, дзе сябрам журы былі прадэманстраваны відэаролікі аб сваім родным горадзе, ВНУ, камандзе. Самым насычаным дынамічным і яскравым момантам стала абарона праектаў. Юрый Пасечны, кіраўнік аддзела экалагічнага рэгулявання Аддзела экалогіі па Жамбылскай вобласці Міністэрства экалогіі, геалогіі і прыродных рэсурсаў Рэспублікі Казахстан адзначыў творчы падыход каманд па выкананні гэтага задання алімпіяды. Усе каманды ў сваім выступе адлюстравалі кірунак дзейнасці сваіх навучальных устаноў. Удзельнікі каманд акцэнтавалі ўвагу на экалагічным выхаванні падрастаючага пакалення, з юнацкіх гадоў думаючага аб экалогіі.
Па выніках тэарэтычнага і практычнага тураў міжнароднага этапу алімпіяды, прадставіўшы лепшы экалагічны праект, першае месца заняла каманда Таразскага дзяржаўнага ўніверсітэта імя М. Х. Дулаці, на другім месцы Зборная Рэспублікі Беларусь, каманда МДЭІ ім. А. Д. Сахарава БДУ размясцілася на ганаровым трэцім месцы.
Юбілейная X Міжнародная экалагічная алімпіяда ВНУ краін СНД пройдзе ў 2020 годзе ў Рэспубліцы Беларусь, у МДЭІ ім. А. Д. Сахарава БДУ.
