У перыяд з 2 па 6 сакавіка 2020 г. у Расійскай акадэміі навук праходзіць міжнародная навукова-практычная канферэнцыя – ХХVІІІ Майсееўскія чытанні «Майсееў М. М. пра Расію ў ХХІ стагоддзі: глабальныя выклікі, рызыкі і рашэнні».
На адкрыцці канферэнцыі з прывітальным словам да яе ўдзельнікаў, у рэжыме анлайн, выступіла М. Р. Герменчук, намесніца дырэктара па навуковай працы МДЭІ ім. А. Д. Сахарава БДУ. Са справаздачамі на пленарным пасяджэнні выступілі: прафесар Ярэшка Ф. І., тэма дакладу: «М. М. Майсееў у ХХІ стагоддзі: ад фізіка-матэматычных пытанняў да праблемы каэвалюцыі чалавека, прыроды і грамадства»; акадэмік РАН Лектарскі В. А., тэма дакладу: «Матэматык-тэарэтык М. М. Майсееў, які зазірнуў за гарызонт філасофскіх праблем сучаснасці»; прафесар Зерняў В. А. (Расійскі новы універсітэт), тэма дакладу: «Рэфармаванне айчыннай адукацыі, як істотны фактар Расійскай ідэнтычнасці».
3 сакавіка ў працы секцыі 1: «Навуковая спадчына У. І. Вярнадскага і М. М. Майсеева ў сучаснай навуковай выяве свету і ў адукацыі для ўстойлівага развіцця», якая працавала ў рэжыме анлайн з дапамогай відэаканферэнцсувязі (Масква-Мінск-Валгаград-Томск-Бішкек-Данецк-Мінск-Бялград), прынялі ўдзел прадстаўнікі МДЭІ ім. А. Д. Сахарава БДУ: Герменчук М. Р., намесніца дырэктара па навуковай працы; Лемяшэўскі В. О., намеснік дэкана факультэта экалагічнай медыцыны, старшыня студэнцкага навуковага таварыства; студэнты факультэта экалагічнай медыцыны, якія навучаюцца па спецыяльнасці «Медыка-біялагічная справа» і студэнты факультэта маніторынгу навакольнага асяроддзя, якія навучаюцца па спецыяльнасці «Інфармацыйныя тэхналогіі ў ахове здароўя». Герменчук М. Р. выступіла з дакладам на тэму «Актуальныя экалагічныя праблемы ў Рэспубліцы Беларусь».
