Агульнаўніверсітэцкі конкурс на званне «Студэнт года БДУ» аб’яўлены ў Беларускім дзяржаўным універсітэце.
Да ўдзелу ў конкурсе дапускаюцца студэнты БДУ першай і другой ступеняў атрымання адукацыі, якія маюць высокія дасягненні за мінулы 2019-2020 навучальны год у адпаведнасці з намінацыямі «Навука», «Лідар», «Спорт», «Культура» па наступных напрамках: навукова-даследчая дзейнасць; грамадскае жыццё і дзейнасць у органах студэнцкага самакіравання; спартовае жыццё; культурнае жыццё, творчасць.
Пакет дакументаў, аформлены ў адпаведнасці з Палажэннем конкурсу, неабходна прадаставіць да 30 лістапада 2020 г. уключна, ва ўпраўленне выхаваўчай працы з моладдзю (пр-т Незалежнасці, 4; кабінет 108; з 8:30 да 17:15).
Падвядзенне вынікаў і ўзнагароджанне пераможцаў і лаўрэатаў адбудзецца ў снежні 2020 года.